Draejt oe is umme... Barchem in olde foto's en ansichten

Draejt oe is umme... Barchem in olde foto's en ansichten

Auteur
:   J. Bosch
Gemeente
:   Lochem
Provincie
:   Gelderland
Land
:   Nederland
ISBN13
:   978-90-288-5755-1
Pagina's
:   80
Prijs
:   EUR 16.95 Incl BTW *

Levertijd: 4-6 weken (onder voorbehoud in verband met vakantieperiode). Het getoonde omslag kan afwijken.

   


Fragmenten uit het boek 'Draejt oe is umme... Barchem in olde foto's en ansichten'

<<  |  <  |  1  |  2  |  3  |  4  |  5  |  6  |  7  |  8  |  >  |  >>

31. Naoststaonde foto wodden emaakt in 1948 van ut bestuur van de Cooperatieve Landbouwers Aankoop vereniging "Barchem en Omstreken".

Dit was ter gelegenheid van ut 25 jaorige Veurzitterschap van H. Scholten. Daorveur, vanaf de oprichting in 1916, zat hee al in ut bestuur as 2e veurzitter,

Ok de volgende mansleu zaten vanaf de oprichting in het bestuur: H.J. Haytink, J. Klein Egelink en A.J. Dinkelman. Vanaf 1923 was H. Klein Brink zaakvoerder.

De Coop. was veur de boeren een groot gemak, ze konnen samen ut zaejgoed goedkoper inkopen, maor ok de opbrengst van de vebouwde gewassen konnen ze gemakkeluker kwiet wodden.

Van 'n kleine vereniging met 'n pakhuuske an de trambane, greujde ut uut tot 'n grote vereniging met goed ingerichte malerieje, kunstmesopslag en winkel. Op de schilderieje den op de foto steet, bunt de gebouwen nog aardig te zeene. Maor inmiddels is de Coop., nao 'n fusie, in 1970, met aandere verenigingen in de buurte, aweer zo'n tiental jaoren vot uut ut dorpsgezichte.

AIle gebouwen bunt of-ebrokken en hebt plaatse emaakt veur de huuse van de "Scholtenhof".

De mansleu op de foto bunt, van links naor rechts: A.J. Dinkelman, H.J. Broekgaarden, W. Klomp, G. Nijhoff, G.J. Schutte, R. Kamperman en J. Klein Egelink.

Zittend: B.J. Nijland, R. Tiessink, H. Klein Brink, H. Scholten, H.J. Haytink en W.R. Prinsen.

32. Hier 'n mooie kaarte van 'n tram veur de cooperatie an de Borculoseweg. De pesonen dee d'r opstaot bunt; Herman Klein Brink, zaakvoerder van de cooperatie en de machinisten Holtstege en Zwiers van de G.T.W. Veurde coop.Iagen dubbele rails, dan kon'n tramhier de wagons opriejen en dee bleven daordan 'n paar dage staon urn te wodden 'elost. 'n Endjen verder op naor Barchem, bie hotel Meilink was ok zo'n dubbel spoor.

Op 'n dag dat ik daor met 'n kammeraodje an ut spollen wazze, kwam d'r uut Borculo 'n tram met twee rietugen an, dee op ut ziespoor kwammen te staon. In de rietugen zatten mansleu dee veur de "Organisation Todt" mosten warken. Too de keerls uut'estapt waren en 'n tram zonder rietugen weer naor Borculo was vetrokken, hebbe wiej de rietugen van mekare of-ekoppeld.

En 'soavends too ut warkvolk weer op huus anwol, stonne wiej achter 'n boom, urn te kieken hoo alles in zien wark ging. Wiej hadden ut ons neet better konnen wensen, want 'n tram vetrok met een rietuug. De keerls in ut laatste rietuug reerden nog wal, maor pas bie 'n dreij naor Borculo had'n machinist in de gaten, datte neet alles had met'ekregen.

33. Oaver de Nederlands Hervormde karke met de dominees dee d'r hebt estaone, is al genog eschreven, maor een vehaal nog wil ik oe neet onthollen.

Ds. Cannegieter hef in Barchem estaone tot 1942, too wodden hee op-evolgd deur ds. Bartstra. Op 'n dag ging ds. Cannegieter met zien vrouwe op reise. Wiej hadden bie ons veur ut huus, 'n bushalte van de Gelderse Tramwegen en 'n dominee met ziene vrouwe stonden daor te wachten.

De vrouwe van dominee had 'n vosken umme, dat was toondertied in de mode en ik mog as klein kind daor an aaien. Ik vroog: "Dominee, waor go'j naor too?" Hee antwoordden: "Wij gaan naar Ruurlo!" Waorop ik zei: "G. V.D., wat 'n ende." Mien mooder hef mie veteld, dat 'n dominee zich ummedraej'n en alderbasten mos lachen, zelfs too hee in de busse zat, zatte nog te grollen.

34. Barehemsfeest is ieder jaor weer 'n vast gebeuren, met optoehten, vogelseheeten en volksspollekes, In 'n optoeht van tegenswoordig bunt de wagens steeds groter, mooier en niejmoodser.

Vrogger mosse wiej ut meer hebben van de sehoolkinder met hun vesierde fietsen van heet, afrikanen en dahlia's.

Maor met ut bevrijdingsfeest in 1945, hadden wiej 'n optoeht den d'r neet umme loag.

Een van dee mooie wagens was de "Kindervisite" van de vrouleu van de Reurlseweg en den veel zo in de smaak, dat de jury neet anders kon dan 'n eersten pries geven.

Nao afloop van 'n optoeht leeten ze zieh, zander wagen, nog effen portretteren.

Van links naor reehts zeet uleu de vrouleu: Allard, Kuiperij, Udink, Ribbers, Niessink, Warnshuis, Nijhof, Bruinsma, Bel en Martha Niessink was een van de kinder. Op de aehtergrond steet 'n looze van Hotel Meilink, waor noe ut huus van de familie Landeweerd steet.

35. De Heest gespaard, voor brand bewaard, Biedt boom en bank, tot rust en dank, Luchtbombardement, 19 november 1944.

Disse woorden staot op de banke, den op 'n dreesprong in Zwiep steet.

Tiedens 'n luchtbombardement in 1944 wodden de Heest etroffen en brak d'r brand uut, maor gelukkig kon den op tied wodden eblust deur de umwonenden van ut huus.

Tienjaor later, in 1954, wodden disse banke as dank an-eboaden an de bewoners vanZwiep deurde familie de Mol van Otterlo van de Heest.

Burgemeister Loopuyt hef de onthulling vericht en ut geheel wodden feesteluk op-eluusterd met muziek van de Huzaren van Boreel.

Op de foto bunt o.a. te zeen: Dr. en mevrouw de Mol van Otterlo, burgemeister en mevrouw Loopuyt, wetholder Esselink, H. Dinkelman, mevrouw D. Dinkelman, mevrouw Nijenhuis, G. Harkink en J. Arendsen.

<<  |  <  |  1  |  2  |  3  |  4  |  5  |  6  |  7  |  8  |  >  |  >>

Sitemap | Links | Colofon | Privacy | Disclaimer | Leveringsvoorwaarden | © 2009 - 2014 Uitgeverij Europese Bibliotheek