Draejt oe is umme... Barchem in olde foto's en ansichten

Draejt oe is umme... Barchem in olde foto's en ansichten

Auteur
:   J. Bosch
Gemeente
:   Lochem
Provincie
:   Gelderland
Land
:   Nederland
ISBN13
:   978-90-288-5755-1
Pagina's
:   80
Prijs
:   EUR 16.95 Incl BTW *

Levertijd: 2 - 3 werkdagen (onder voorbehoud). Het getoonde omslag kan afwijken.

   


Fragmenten uit het boek 'Draejt oe is umme... Barchem in olde foto's en ansichten'

<<  |  <  |  1  |  2  |  3  |  4  |  5  |  6  |  7  |  8  |  >  |  >>

Lochem.' Kruising Tram ยป Barchemsche

21. Vrogger was 'n Dollen Hood 'n ander gebouw as wat ut noe is. Wat noe "Bon' Aparte" is en daorveur ut P.W. Jansenhuus, was vrogger de Dollen Hood. De familie Kloosterboer was de eigenaar van'n olden Dollen Hood.

Disse zaak was toondertied wied en zied bekend, ut leep as 'n tram laote wie'j maor zeggen. Op Zundage kwammen d'r trams vol met leu uut Lochem, Deventer en verre umstreken, urn daor'n dag deur te brengen.

Mien mooder vet ellen mie, dat ut geld daor binnen stroomde, ut wodden in emmerkes edaone en as ze vol waren hadden ze 'n speciaal kaemerken waor ze wodden ummekiept. De familie Kloosterboer hef tot ongeveer 1930 op'n Dollen Hood ezetten en too is ut oaver-edaone an de P.W. Jansenstichting.

De G.T.W. had op ut traject Deventer-Borculo, in ut begin, 5locomotieven in gebruuk met de namen van de plaatsen waor ze deur hen kwammen: de "Deventer", de "Laren", de "Lochem", de "Barchem" en de "Borculo" .

De snelheid van disse locomotieven, 20 km per uur, lag boaven de landeluk too-estaone snelheid. In 2 uur tieds ko'j van Barchem nao Deventer hen kommen, as alles teminste good ging, want ut uut de rails lopen van 'n tram was gin zeldzaamheid.

Op mooie zommerdage reed 'n tram met open rietuuge en dan zat 'r mangs wal 350 man in, ze hingen d'r letterluk met de beene uut.

Op de foto's 'n olden "Dollen Hood" van buuten en van binnen. Op de laatste foto staot Bertus Ribbers en Kees Willemsen. Bertus Ribbers is eerst as koetsier op 'n Dollen Hood begonnen, maor later opeklommen tot oberkelner.

22. Ie konnen wal in Barchem in ut "Gemeentegebouw" trouwen, maor de meeste leu gingen toch naor Ampsen, waor ut Gemeentehuus van Laorne en Barchem stond.

Ie gingen daor met rietuuge en op de fietse nao too, met good weer was dat bes te doone, maor met slech weer was ut 'n alderbasten ende riejen.

Met de trouwerieje van Gert Jan Boom en Hanna Eggink wodden disse foto emaakt veur ut Gemeentehuus in Ampsen. Hier zeet uleu tussen de erehaage van de Bargruiters en de vrouleu van de gymnastiekvereniging D.O.S., de naoste familie van ut bruidspaar.

Van D.O.S. bunt de volgende leden nog te herkennen: Truus Grevink, Toos Weustman, Gerritje Pasman en Willy Stroo. An de andere kaante Coba Klomp, Dina Klein Selle en Jannie Rekers.

En van de Bargruiters: Hendrik Scholten, Willem Jan Esselink, Hendrik Jan Oltvoort, Gerrit Hunteler, Gerrit Jan Bannink, Wim Esselink en Jan Amtink.

An de oaverkaante: Herman Jansen, Toone Harkink, Wim Arfman, en gedeelteluk te zeene: Willem Imenkamp, Derk Jan Dinkelman, Berend Haijtink, Hendrik Arfman en Marinus Eijerkamp. Urn nog effen op ut Gemeentegebouw terugge te kommen, vrogger had dit gebouw dezelde funktie as wat noe ut Onderschoer hef. Verenigingen heelden d'r hun repetities en van ut Gemeentehuus hadden ze hier op bepaolde dage zitting. Ok ston hier de brandweerwagen in. Vlak nao 'n oorlog wodden d'r in 'n soort "winkeltje" an de achterkaante van ut gebouw "uutponding" eholden. Uutponding was 'n noodslachting. An een van de kastanjebeume wodden d'r dan 'n vlagge uut-ehangen, en ie mossen is kieken hoo gauw of dat niejs ut darp rond was. 's Nommedaags stonden de leu in de rieje veur 'n bolleke vleis dat ze , zonder bonnen konnen kopen.

23. Het was vrogger en veural vlak nao'n oorlog nog de gewoonte dat boerenleu dee brulfte wollen geven, dat an huus heelen. As de beeste buuten leepen, dan was de delle daor ok heel geschikt veur. 'n Cafeholder stond met zien tap in de gruppe, de leu zatten op banken an lange taofels op de delle en de muziek zat boaven op 'n platte wagen.

De buurte had daags van te veurten de delle en 'n stool met greun en reuskes vesierd. Veur de boage hadden ze de blauwe holten beugels van 'n kleedwagen gebruukt, dee leenden zich daor ut beste veur. Op 'n aovend van de brulfte stonden buuten op ut arf, de brulftenneudigers oe alop te wachten met 'n glasken van ut een of ut ander en ie dronken dan allemaole uut ut zelde bolendeke.

Ai'j binnen waren, mos ie eerst an de breudjes en de koffie, dee rond wodden ebracht deur de buurte. De vrouleu van de buurte in ut zwart ekleed met'n witten scholk veur, schonken oe de koffie in, uut mooie gepoetste kopren kettels,

Daornao ko'j gaon dansen op de muziek van muziekspolers, waorvan d'r in Barchem vescheidene waren. Onder andern "de Gelria Band", dee op heel wat brulften en dansaovenden hebt laoten heuren wat ze konnen.

Too disse foto is emaakt bestond de band uut: Gerrit Hogevonder, Jan Klein Leunk, Jan Pasman en Hendrik Jan Kamperman.

24. In ut veurjaor van 1938, met Paosen, wodden naoststaonde leu an'enommen as lidmaten van de Nederlands Hervormde karke in Barchem.

Onder leiding van dominee Cannegieter wodden d'r later 'n reise emaakt met o.a. 'n bezoek an Amsterdam en Schiphol.

Van links naor rechts zeet uleu: Femmie de Vries, Gerrit Roekevisch, Janna Esselink, Hendrik Menger, Gerrit Everink, Bertus Schutte, Antje Goosenboer, Hendrik Ligtenbarg, Gerritje Nijland, Anneke Esselink, Dominee Cannegieter, Hanna Klomp, Willem Menkveld, Alie Koopman, Gerrit Jan Bannink en Egbert Kettelarij.

Zittend: Jan Bloemendaal, Hendrik Baltes, Johan Schepers, Johan Oltvoort, Gerrit Jan Bannink en Gerrit Harkink.

25. Hier hebt uleu gezichte op de bakkerieje van Jansen en an de oaverkaante is ut olde tolhuus. Tussen beide gebouwen deur kwam 'n tram uut Deventer an, opweg naor Borculo. Too disse foto enommen is, woonde bakker Deesker hier, maor ondertussen woont de familie Jansen al meer dan zestig jaor op disse plaatse.

Urn het huus staot nog volle beume en zo as uleu zeet was ut'n geslotten huus, d'r was nog gin winkel. Ut brood wodden van uut de bakkerieje vekoch, vasser ko'j ut neet kriegen.

Bakker Jansen hef ut veurhuus vebouwd en d'r 'n winkel van emaakt. Veur de leu dee wieterof woonden, wodden ut brood met peerd en wagen deur Anton Bannink, en later Gerrit Hogevonder rond-ebracht. Jansen had veur ut peerd 'n weide, waor noe de brandweergarage steet. In disse weide stond ok de holtmiete met de takkebusse veur'n oavend van de bakkerieje.

Veur'n nacht wodden ut peerd onder-ebracht in 'n stal van Reint Bannink van de melle.

Gait Hogevonder bezorgde ok volle ut brood op 'n transportfietse met 'n grote mande d'r veur op. Tegenswoordig is d'r allene nog gemotoriseerd vevoer veur ut bezorgen van breudjes en taarten.

<<  |  <  |  1  |  2  |  3  |  4  |  5  |  6  |  7  |  8  |  >  |  >>

Sitemap | Links | Colofon | Privacy | Disclaimer | Leveringsvoorwaarden | © 2009 - 2019 Uitgeverij Europese Bibliotheek